20151204_092841[1]

 

BERRIA egunkariak Juanjo Ruizi, Emuneko aholkulari eta TELP tailerren dinamizatzailea, egindako elkarrizketa argitaratu du, “Irten hizkuntzaren armairutik” liburuaren aurkezpenaren harira.

Hementxe duzue: Erronka da elebitasun pasiboa modu eroso batean txertatzea

 

 

Irakurtzen jarraitu...

Lutxo_EgiaAurreko sarrera batean esan genizuen moduan, Lutxo Egia idazleak performance artistikoa egiten ari da:Bilbon hilabetez bizitzea Bilboko hizkuntza hegemonikoa den gaztelaniaz hitz egin gabe. 

Performancearen lehenengo astea igarota, berarekin egon gara bere esperientziaren berri izateko. Galdetu diogu ea nola sentitu den, zein estrategia erabili duen eta aurrera begira performancean zer nolako esperimentazioak egiteko asmoa duen.

Hona hemen Lutxok bota dituen ideia batzuk: “hasieran uste nuena baino askoz errazagoa da euskara hutsean komunikatzea”, “ahalduntzea praktikan jarri dut eta ondorio positiboak ematen ditu”

Hemen duzue Lutxok kontatu diguna:

Performancearen egunerokoa idazten du Lutxok BERRIAko webguneko Trantsitoak blogean.

Imaginatzen duzue performance hau kolektiboa egingo bagenu? Hizkuntza hegemoniko gabeko eguna adibidez?

Irakurtzen jarraitu...

Bea Salaberrik hausnarketa interesgarria idatzu du han eta hemen blogean elkarrizketa eleanitzen inguruan. Hainbat zalantza ere planteatzen ditu gaiaren inguruan: irakasle eta ikasleen arteko harremanetan baliagarria den, gizarte eredu gisa elkarrizketa eleanitzak bultzatzea egokia den eta abar. Guk gure iritzia eman diogu blogean iruzkin baten bidez.  Artikulua eta gure ekarpena irakurri nahi badituzu, egin klik hemen:

Elkarrizketa eleanitzak

 

https://www.flickr.com/photos/ohhector/456611804/in/photostream/

https://www.flickr.com/photos/ohhector/456611804/in/photostream/

Irakurtzen jarraitu...

EMUNek euskararen erabilera areagotzeko motibazioari buruzko topaketa antolatu du irailaren 10ean eta 12an Donostiako San Telmo Museoan.

Euskararen normalizazioan, garapenean edo-eta irakaskuntzan dabiltzan eragile guztiei zuzenduta motibazioarekin lotutako hainbat gai landuko dira, jarrera eta portaerekin zerikusia dutenak.

Topaketa modu berritzailean garatu nahi da. Horretarako gai zehatzen inguruan elkarrizketak sortzeko dinamikak antolatu dira, gai horietan esperientzia duten erakundeetako pertsonekin elkarlanean. Lantaldekako dinamiken bidez, etorkizunera begira arrakastarako gakoak eta eta lanerako ildoak identifikatu nahi dira.

Besteak gaien artean, hizkuntza asertibitatea, elkarrizketa elebidunak eta TELP tailerretan lantzen ditugun gaiak jorratuko ahal izango dira topaketan.

 

motibatu-bannerra

“MOTI+BATU. Mingaina askatuz, nagiak astinduz”

  • Topaketari buruzko informazio gehiago Lantalan.com webgunean: egitaraua, egun bakoitzeko gai zehatzak, sarrera-bideo laburrak, dinamizatzaileak…
Irakurtzen jarraitu...

Duela aste batzuk galdera hori egiten zuten www.31ekutik blogean argitaratutako Nork berean artikulu interesgarrian. Artikuluak berak galderari erantzuteko hainbat gako ematen ditu. Guk gure aletxoa gehitu nahi diogu TELP tailerren ikuspegitik.

Euskararen ezagutzak gora doan heinean, euskaldunok gero eta aukera gehiago dugu euskarazko solasak ¡zateko. Hala ere, eguneroko hainbat egoeratan zaila egiten zaigu gure hizkuntza erabiltzea. Zergatik? besteak beste:

  • Aurreko belaunaldiengandik ikasi dugun hizkuntza portaera imitatzen dugulako ,oharkabean.
  • Gure egunerokoan behatzen dugun portaera imitatzen dugulako.
  • Aurreiritzi ugari ditugulako (edukazioa, euskara zaila da, gure hizkuntza bigarren mailakoa da e.a.), gure portaera askea oztopatzen dutenak.
  • Beldurra:  euskaldunok beldurra diogu geure burua euskaldun agertzeari ezezagunen aurrean, aurrez aurre duguna erdaldun oldarkorra izango delakoan…

Ikasitako portaerak horiek, baina, desikasi ditzakegu, portaera berriak ikasiz. Hiztun askeak eta osasuntsuagoak izan nahi badugu, solasetan euskaraz eroso jarduteko trebetasun sozialak ikasi behar ditugu eta egunerokoan praktikan jarri, ezohikoak diren egoera horiek normalago ikus ditzagun (bai guk eta baita gure ingurukoek ere).

Aurrez aurre dugun solaskideari guk zer nahi dugun esan beharko genioke, eroso, errespetuz. Hori nola egin jakiteko, TELP tailerretan zenbait baliabide eskaintzen ditugu eta ezinbestekoa izango da hiztunok eguneroko egoeretan praktikatzea.

Horrela, euskara gehiago erabiliko dugu , geure buruarekin gusturago izango gara eta euskal hiztun oso eta osasuntsu gisa jokatu ahal izango dugu.

 

 

Irakurtzen jarraitu...

TELP tailerretan parte hartutako lagun batek honako arrakasta egoera bidali digu:

Atzo semearen Waterpolo partidua ikustera joan nintzen eta lagun batekin egon nintzen. Lagun honek euskara ulertzen du eta erraztasuna ez izan arren, hitzegiteko gaitasuna badu baina gure artean beti erdaraz hitzegiten dugu. Partiduan geundela, nik berarekin beti euskaraz hitzegiten dudan beste lagun bat etorri zen eta hirurok egon ginen. Orduan, hiruron arteko elkarrizketa bihurtu zenez, biekin euskaraz hitzegitea erabaki nuen. Hasieran, lehenengo laguna moztuta geldituko ote zen pentsatu nuen eta elkarrizketa guztia euskaraz jarraitzeko ahalmena izango ote nuen zalantzak izan nituen. Baina, lagun honek euskaraz jarraitu zuen eta niretzat arrakasta egoera bat izan zen.

Egoera horretan azpimarratu nahi genuke gure lagunak bere ohituretan aldaketa bat sortzen hasteko une egokia aprobetxatu zuela (elkarrizketa bi pertsonen artekoa izatetik hiruren artekoa izatera pasatzea) eta erabakia hartu zuela (hitzez hitz: biekin euskaraz hitzegitea erabaki nuen). Bere zalantzak izan bazituen ere, horiek gainditu eta egoera arrakastatsua bihurtzea lortu zuen.

Arrakasten ildotik jarraituz, euskaratik aktibismora blogean beste arrakasta baten berri eman digute, egoera modu laburrean azalduz eta ondorio batzuk aipatuz. Merezi du irakurtzea: “¿Has visto el balón?” galderari zer erantzun.

Arrakasta txikiak direla pentsa dezake norbaitek, baina arrakasta txiki askorekin eraikitzen dira aldaketa handiak.

Irakurtzen jarraitu...

Hona hemen TELP tailerretan parte hartu duen irakasle batek bidali digun esperientzia arrakastatsua:

 Aurreko eguenian,  maiatzak 2an, Nafarroako Bertitz inguruko autobus gidari batek oso hitz gutxi zekizkien euskaraz. Gu haur talde batekin gindoazen eta hizketaldia euskaraz ekin genuen. Gu galderak behin eta berriro egiten genizkion eta bera “bai, bai” edo guk esandako hitzak errepikatzen saiatzen zen. Horrela egin genituen 15-20 minutu. Halako b atian haserretu zan, haurren jarrera zala eta, mikroa hartu eta gazteleraz zuzendu zitzaien ikasleei. Ondoren geuk ere errieta egin  genien eta txoferraz euskaraz egiten jarraitu genuen zelabait. Nire ustez bere jarrera euskararekiko zuzena izan zen.

Gure lagunak esaten duenez, elebitasun pasiboa baliatu zuten kasu honetan, hau da, autobus gidariak euskara ulertzeko gaitasuna edukita, hizkuntzaz aldatzeko beharrik ez zegoen, irakasleek euskaraz arituz gero berak ulertu egiten zielako. Gainera berak ere hitz batzuk euskaraz esateko gai ere bazen ikusi den moduan. Zoriontzekoa da, era berean, kanpo arrazoi batzuek sortutako haserrealdiaren ondoren ere, irakasleek gidariarekin euskaraz mantentzeko ahalegina egitea eta lortzea.

 

Elebitasun pasiboa funtsezko baliabidea iruditzen zaigu euskaraz eroso bizi nahi badugu. Teoria badakigu beraz, praktika dezagun.

 

 

Irakurtzen jarraitu...

ARGIA-n argitaratutako artikulu hau interesgarria iruditzen zaigu elebitasun pasiboa jorratzen duelako. Zergatik ez hitz egin euskaraz ulertu baina hitz egin ezin duenari? Euskal hiztunari euskaraz aritzeko aukerak biderkatzen zaizkio elebidun hartzaile edo pasibo izendatutako horiei ere euskaraz eginez gero. Gainera ez dakienari euskaraz egitea ez da onuragarria euskara hiztunarentzat soilik, baita erdaldunarentzat eta euskara ikasten ari denarentzat ere. Euskarara hurbiltzeko modua litzateke ulermena lantzea, gero poliki-poliki, hitz egiten hasteko.

Azken batean, bi hiztunek hizkuntza desberdinetan elkar komunikatu eta ulertzeko gaitasunaz baliatzea da TELP tailerretan proposatzen dugun baliabideetako bat. Artikuluan dioen moduan, hizkuntza alternantzia hori hizkuntza aniztasun handiko herrialdeetan (Kamerun, India…) aspaldi erabiltzen da.

Irakurtzen jarraitu...